Central SA
Dwelms in koerier bakkie gevind─── BLAINE JONES 07:21 Sat, 18 Dec 2021
Foto: Verskaf
Die Noord-Kaapse SAPD se feestyd operasies het 'n sukses opgelewer toe daar op dwelms ter waarde van R175 000 beslag gelê is.
Volgens polisiewoordvoerder, Sergio Kock, het polisie-eenhede gister inligting oor dwelmhandel in die Port Nolloth omgewing opgevolg.
'n Koerierbakkie is voorgekeer en deursoek.
Die polisie het meer as 2500 Madrax tablette en 105 gram Tik gevind het wat versteek was in herlaaibare ligte wat in 13 bokse verpak was.
Niemand is in hegtenis geneem nie, maar die polisie het 'n ondersoek na die saak geloods.
Die ondersoek duur voort.
OFM-nuus
