Dit, nadat die polisie op Springbok Woendag ses mans vasgetrek het wat vermoedelik by die rooftog in Kleinzee betrokke was.

Volgens polisiewoordvoerder Sergio Kock is ’n sakeman en sy gesin met ‘n vuurwapen gedreig en met kabelbande vasgebind.

Hierna is verskeie items soos klere, juweliersware, selfone, diamante, en kontant geroof, sowel as ’n Ford bakkie.

Die ses is later vasgetrek en die bakkie, geld en die gesteelde items teruggevind.

Volgens Kock, het die Valke nou die saak by die polisie oorgeneem.

OFM News/Isaac Mosia