Die provinsiale departement sê die groep gesondheidswerkers gaan by verskeie hospitale en klinieke regoor die provinsie geplaas word. 

Noord-Kaapse LUR vir Gesondheid, Maruping Lekwene, het die Robert Managaliso Sobukwe-hospitaal in Kimberley - as deel van die  verwelkomingsprogram – besoek.

Die nuutaangestelde personeel gaan na verwagting die tekort aan gesondheidswerkers in die provinsie aanspreek.

Altesaam drie sielkundiges, 23 arbeidsterapeute, 14 dieetkundiges, 14 oudioloë, 27 fisioterapeute, nege spraaktererapeute, 15 diagnostiese radiografie , 73 mediese beamptes vir gemeenskapsdiens, 40 mediese dokters, 35 professionele verpleegsters, 38 aptekers, 14 tandartse en 13 omgewingsgesondheidspraktisyne is aangestel. 

Die departement sê die groep se aanstelling gaan die reeds arm gesondheidsdepartement sowat R207,3m uit die sak jaag. 

Die indiensopleidingskontrakte vir die gesondheidswerkers beloop twee jaar.

OFM-nuus/ Mia-Leigh Cloete