Martin Bosch is op borgtog van R500 vrygelaat nadat hy Sondag in hegtenis geneem is.

Philip Gaekwathi is op borgtog van R1 000 vrygelaat, terwyl Thapelo Semamai in aanhouding bly nadat dit aan die lig gekom het dat hy reeds teregstaan op aanklagte van onder meer dronkbestuur en korrupsie.

Die onafhanklike polisie-ondersoekdirektoraat (Opod) ondersoek bewerings dat die lede glo R10 000 van 'n Kongolese burger geëis het, nadat hulle in November 2021 sy huis vir dwelms deursoek het.

Woordvoerder Grace Langa sê R40 000 is in 'n kussingsloop gevind en nog R5 000 elders in die huis.

Die klaer het R4 000 aan die beamptes oorhandig en 'n klag by die Paballelo-polisiestasie aanhangig gemaak.

Die verdagtes sal weer op 24 Januarie in die hof verskyn.

OFM-nuus/Roderick Titus