Central SA
NK vrou agt jaar tronkstraf opgelê─── 15:13 Tue, 18 Jan 2022
Die 21-jarige Shirley Hofuza, wat van poging tot moord aangekla is, is in die Kimberley-landdroshof gevonnis.
Hofuza het die manlike slagoffer op 23 Desember 2020, kort nadat hy op borgtog vrygelaat is, buite die hof geskiet.
Sy het haarself dieselfde dag aan die polisie oorgegee.
Sy is tot agt jaar tronkstraf gevonnis vir poging tot moord, en vyf jaar vir die onwettige besit van ‘n vuurwapen, asook een jaar vir die onwettige besit van ammunisie.
Die vonnisse sal gelyktydig uitgedien word.
Polisiewoordvoerder Sergio Kock sê veiligheid by howe is opgeskerp om soortgelyke voorvalle te vermy.
OFM-nuus/Roderick Titus
