Central SA
Skenking aan behoeftige Phillipstown-inwoners gedoen─── 15:38 Fri, 18 Feb 2022
Foto: Verskaf
Die Chinese gemeenskap in die Noord-Kaap het kragte saamgespan met die plaaslike gemeenskapspolisiëringsforum, en kospakkies en komberse aan 100 behoeftige Philipstown-inwoners verskaf.
'n Deel van die begunstigdes sluit in inwoners wat met gestremdhede leef, sowel as bejaardes, insluitend 'n 86-jarige ouma.
Die Chinese gemeenskap se Yun Lu sê die gebaar is ten gunste van samewerking tussen die gemeenskap en die Suid-Afrikaanse Polisiediens, en om die impak van Covid-19 in die plattelandse dorp aan te spreek.
Ephraim Homan, die provinsiale gemeenskapspolisiëringsforum se voorsitter, het die gebaar verwelkom.
OFM-nuus/Roderick Titus
