Central SA
Polisie lê beslag op dwelms in Kimberley─── 14:30 Thu, 24 Feb 2022
Die polisie in Kimberley sê hul misdaadintelligensie-eenheid, vergesel deur die honde-eenheid in die stad, het vroeër vandag 'n 22-jarige vrou in hegtenis geneem.
Dít nadat hulle 1,6 kg tik en 100 mandrax-tablette tydens ’n soektog gevind het.
Olebogeng Tawana, polisiewoordvoerder, sê die waarde van die dwelms word op R488 000 geraam.
Die verdagte sal Vrydag in die plaaslike landdroshof verskyn op aanklag van die onwettige besit en handel in dwelms.
OFM-nuus/Roderick Titus
