Lekwene is die voormalige LUR vir Finansies en Toerisme. Mkhwebane het bevind dat Lekwene tydens sy termyn as LUR vir Finansies, vir Vincent Mothibi onregmatig aangestel het as Uitvoerende Hoof van die provinsie se Dobbelraad. 

Regter Mpho Mamosebo het Mkhwebane skerp gekritiseer tydens die uitspraak, en haar daarvan beskuldig dat sy onbehoorlik opgetree het toe sy bevind het dat Lekwene onregmatig opgetree het tydens die aanstelling. 

Lees meer: FS municipality guilty of maladministration - PP

Mkhwebane het ook aanbeveel dat Premier Zamani Saul teen Lekwene moet optree. 

Die ondersoek het gevolg nadat Mkhwebane 'n anonieme klagte ontvang het in Augustus 2020, dat Mothibi onregmatig aangestel is. 

Volgens die klaer het Mothibi nie gekwalifiseer vir die pos nie, en is die korrekte prosudure nie gevolg nie. 

Die regter het ook bevind dat die Openbare Beskermer haar magte oorskry het.

OFM-nuus/Roderick Titus