Volgens polisiewoordvoerder, Thabo Covane, kan hulle bevestig dat die 56-jarige bestuurder van die Jetta - Donald Molefi Mahabane - oorlede is nadat hy tydens die ongeluk beserings opgedoen het en na die hospitaal gehaas is.

LEES MEER: Roekelose bestuur ondersoek na treinbotsing

Covane het bevestig Mahabane is Maandagaand oorlede.

OFM Nuus het vroeër berig dat ‘n bestuurder en ‘n insittende van een van die voertuie Maandagoggend na veiligheid gespring het voordat die aankomende trein hulle kon tref.

Die Jetta het gepoog om die ander motor verby te steek, maar die trein het gevolglik beide motors getref - en ‘n ent gesleep.

‘n Saak van roekelose bestuur is vroeer die week by die Heidedal polisiestasie aanhangig gemaak, maar volgens Covane sal die klag van roekelose en nalatige bestuur nou na Strafbare manslag verander.

OFM Nuus