Die 160 leerders het Donderdag uit Springbok na Kimberley vetrek om deel te neem aan verskeie wintersporte insluitend sokker, netbal, jukskei en tennis.

Met die drie busse se aankoms Vrydagaand in Kimberley moes hulle verneem dat daar geen akkommodasie vir hulle gereël is nie.

Die geleentheid word aangebied deur die Noord-Kaapse Department van Sport, Kuns en Kultuur.

Die provinsie se Direkteur vir sport en ontspanning, Elizabeth Manong, het intussen ‘n verskoning aan onderwysers, ouers, en leerders uitgereik

Volgens Vusi Raphoto, die streekvoorsitter van die Ekonomiese Vryheidsvegters (EFF) in Kimberley, het hy die busse Vrydag by ‘n plaaslike motel gesien en besluit om te help waar hy kon.

Die leerders is intussen Vrydagaand in verskeie gastehuise en by die Sol Plaatje unversiteit geplaas.

‘n Ouer,  Jualiza, van Wyk, was hoogs ontsteld toe sy OFM-nuus vertel het van hulle nagmerrie.

Sy voel dat daar teen die amptenare van die Department van Sport, Kuns en Kultuur opgetree moet word.

Die spele het gisteroggend begin.

Verdere reëlings met betrekking tot akkommodasie sal waarskynlik vandag getref word.

OFM-nuus/Isaac Cloete