Die voël is uit 'n doringboom gered nadat dit vasgehaak het.

Dit is deur veearts Donovan Smith behandel.

Van der Westhuizen-Coetzer sê die voël het na alle waarskynlikheid probeer land toe dit in die moeilikheid beland en sy ligamente en spiere beseer het.

Ná die behandeling was die voël egter terug na sy ou self.

Voëlentoesiaste van die Verenigde State van Amerika het die beseerde flamink opgemerk op 'n kamera wat in Oktober verlede jaar by die dam geplaas is, en Van der Westhuizen-Coetzer daarvan ingelig.

Die Kamfersdam buite Kimberley is tans vol ná die reënseisoen, waar meer as 600 millimeter reën in Kimberley geval het.

Birdlife en Ekapa doen ook navorsing oor die dam om vas te stel watter invloed chemiese elemente in die water asook algegroei en diepte op die flaminkbevolking het.

OFM News/Roderick Titus