Die operasie het gepaard gegaan met die opsporing van gesoekte verdagtes - waarvan meer as 900 vir verskeie misdade in hegtenis geneem is.

Die voertuig is tydens 'n padblokkade gevind, en twee verdagtes, - 'n 27-jarige vrou en haar 20-jarige metgesel, is in hegtenis geneem.

Die Suid-Afrikaanse polisie se Noord-Kaapse woordvoerder, Mashay Gamaldien, het vroeër gesê dat ‘n goeie verhouding tussen die publiek en die polisie noodsaaklik is in die bekamping van misdaad.

Gamaldien sê verder kriminele elemente wat gemeenskappe teister, sal voor die hof gebring word - en versoek dat mense nie moet stil bly oor misdade wat in hul areas gepleeg word nie.

OFM-nuus/Roderick Titus