Die Bloemfonteiner Irene Gouws-Prinsloo het besluit om dit vir ‘n goeie doel te versamel en te ruil vir ‘n blikkie of sakkie kos vir ‘n diertjie in nood. Die idee het oorspronklik in Centurion ontstaan met ‘n dame wat dié miniatuur replikas vir nie-bederfbare kos verruil, om sodoende mense wat minder bevoorreg is te help.

Bloemfontein Courant berig Gouws-Prinsloo het egter die idee haar eie gemaak en besluit om haar miniatuur replikas te verruil om die Dierebeskermingsvereniging te help. Sy verduidelik die idee het groot aftrek gekry en amper al haar miniatuur-replikas is die eerste dag reeds geneem.

“Daar was ongelukkig ‘n beperkte voorraad.” Mense se harte en hande het egter oopgegaan en hulle het nog miniatuur-replikas geskenk om aangewend te word vir ekstra kos vir die diere.

Mense het oulike kos geskenk en gegee. “So 40 blikkies nat kos en 4 sakke droe honde- en katkos is ingesamel. Daarvoor is ek baie dankbaar.”

Die goeie idee het sommer ook oorgespoel na ‘n vriendin van haar in Edenvale wat nou dieselfde idee daar gaan toets om daardie plaaslike DBV by te staan.

Bloemfontein Courant/Jeretha Oosthuizen