Die 'Kiddies Holiday Workshop' wat hierdie week by Oliewenhuis Kunsmuseum plaasvind, doen presies dit.

Die kinders kan lekker aktiwiteite met verskillende style en mediums geniet, terwyl hulle iets pragtig skep.

Volgens die kurator van Oliewenhuis, Ester le Roux, sal elke dag 'n aktiwiteit, speeltyd, en 'n gratis African Carousel-rit insluit.

“Dis belangrik vir kinders om hulself te geniet omdat dit vakansie is. Die werkswinkel se doel is om bietjie rond te speel met voorwerpe en om iets te maak,” sê le Roux.

Sy voeg by dat dit werklik belangrik is dat hulle dit geniet en kreatief kan wees sonder die druk van skool.

Die aktiwiteite wissel van kinders wat hul eie marionet maak met herwinde materiaal tot die ontwerp en maak van 'n kreatiewe sambreel-opspringboek.

Die aktiwiteite sal Woensdag en Donderdag herhaal. Vir meer inligting kan Oliewenhuis geskakel word.

Diegene wat nie geregistreer het nie, kan steeds die kuns by Oliewenhuis vir die res van die jaar besigtig.

Die werkswinkels word elke jaar tydens die Junie- en Desember skoolvakansies aangebied.

OFM-nuus