Daar word ook van hom verwag om terugvoer te gee oor die pogings deur owerhede om padongelukke, waarby swaar voertuie op brandpunt-roetes betrokke is, te stabiliseer en te verminder.

Gedurende die 2021-’22-feestyd is meer as 1 600 padsterftes aangeteken. Dit was 'n toename van 14% teenoor die vorige jaar.

Padsterftes het toe in sewe provinsies toegeneem en in twee afgeneem. Die Oos-Kaap en KwaZulu-Natal het die afname aangeteken, terwyl die Noord-Kaap en Wes-Kaap die hoogste persentasie toenames in sterftes aangeteken het.

Bestuur onder die invloed van alkohol, versuim om 'n veiligheidsgordel te dra, hoë spoed, verontagsaming van padtoestande en -tekens was van die faktore wat tot sterftes op die paaie bygedra het.

SABC-nuus