Hulle sal aansluit by sowat 20 Suid-Afrikaanse soek-en-reddingspanne wat in Turkye geland het om die massiewe noodlenigingsoperasie by te staan.

Meer as 15 000 mense is dood en duisende meer beseer – terwyl pogings in ysige toestande voortduur om diegene wat steeds onder puin vasgekeer is te red.

Dr Imtiaz Sooliman, wat by die humanitêre noodlenigingsgroep Gift of the Givers is, sê hulle het 'n ooreenkoms met die polisie aangegaan om vyf honde te stuur om met soek-en-reddingspogings te help.

“Honde maak ’n groot impak op die soektog en hulle is doeltreffend mense onder rommel te help vind.
“Dit is die volgende fase en daarna, afhangend van wat gebeur, sal ons dan die mediese span instuur.” Nog spanne en mediese spesialiste het Suid-Afrika Woensdagaand verlaat. 

#Siyabonga ?? @TurkishAirlines for supporting our earthquake relief mission in #Turkey ????. Turkish Consul General, Senin Yesildag, presents the Turkish flag to our CPUT team.#GiftoftheGivers #MakeADifference #ForTheGreaterGood #DisasterResponse #MiddleEast #SouthAfrica pic.twitter.com/aknR1kry1Q

— Gift of the Givers (@GiftoftheGivers) February 8, 2023

Die Turkse regering het amptelik bystand van die humanitêre stigting versoek ná 'n aardbewing Maandag wat 7,8 op die Richterskaal aangeteken het.

Sooliman sê die spanne sal probeer om hul weg na Adana, wat die swaarste deur die aardbewing getref is, te baan om mediese geriewe op te rig.

“Wat mediese ondersteuning betref, was daar ’n groot uitdaging, al die hospitale is beskadig of vernietig en hulle kan nie oral mediese spanne hê nie.

“Ons sal geriewe in Adana soek en as hulle instem om vir ons te huisves, sal ons 'n mediese span stuur om die geriewe oor te neem. Andersins kyk ons na die opsie om ons eie gesondheidsgeriewe op te rig, op voorwaarde dat ons beseerdes daarheen neem."

OFM-nuus