Die polisie het Vrydagoggend 10 Februarie 2023 'n klag van 'n gemeenskapsdienssentrum ontvang oor die voorval by die Hi-Way Supply-kompleks.

Geweerskote is gehoor, gevolg deur die geluid van 'n ontploffing.

Die polisiewoordvoerder Thabo Covane sê hulle het 'n soektog na die verdagtes van stapel gestuur.  'n Saak van opsetlike saakbeskadiging en onwettige besitvan plofstof is geopen.

Die polisie doen 'n beroep op die publiek om te help met die opsporing van dié rowers. Enigiemand met inligting kan kaptein Lekhaoli Thito kontak by 082-5262-691.

Mense kan ook die polisie kontak op die Crime Stop-nommer (08600-10111) of die MySAPS App gebruik.

Die Vrystaatse polisie waarsku winkeleienaars en die publiek om op die uitkyk te wees vir bevlekte geld.

OFM-nuus/Bambatha Giko