Central SA
Dertien verdagtes verskyn Maandag in Kimberley-landdroshof─── 06:20 Sun, 19 Feb 2023
Dertien verdagtes sal môre in die distrikshof in Kimberley verskyn nadat 'n spesiale operasie hul arrestasies verseker het.
Die verdagtes is in hegtenis geneem vir onder meer aanranding met die doel om ernstig te beseer, huisbraak, diefstal, geslagsgeweld, roof, en die oortreding van 'n beskermingsbevel in die Roodepan-area buite Kimberley.
Timothy Sam, SAPD-woordvoerder, sê die polisie probeer alles moontlik om misdaad te bekamp, en het die hulp van die gemeenskap nodig om sukses te behaal.
Sam voeg by dat die publiek aangemoedig word om enige kriminele aktiwiteite onmiddellik aan te meld.
OFM Nuus/Roderick Titus
