Central SA
Kabeldief verbrand meer as sy vingers─── CHARNÉ KEMP 16:25 Fri, 10 Mar 2023
Die vermeende kabeldief het ernstige brandwonde opgedoen. FOTO: Verskaf
‘n Vermeende kabeldief het Donderdag sy moses teëgekom toe hy tydens die voorval in Roodepan, Kimberley, ernstige brandwonde opgedoen het.
Foto’s van sy beserings is op sosiale media versprei. Hy is intussen in die hospitaal vir behandeling opgeneem.
Die woordvoerder van die Sol Plaatje -munisipaliteit, Thoko Riet, sê die man het na bewering 'n medium Volt-kabel probeer steel, maar is in die proses geskok.
Die munisipaliteit het skade gelei wat tot 'n urelange kragonderbreking gelei het. Dit is intussen herstel. 'n Klag van saakbeskadiging is teen hom ingedien.
