’n Klein sinkgat in die Hoërskool Sentraal in Dan Pienaar se B-rugbyveld het twee weke gelede begin vorm. Charles Liversage, die skoolhoof, het die situasie dadelik aan die Mangaung-metro gerapporteer.

“Die munisipaliteit het kom ondersoek instel,” het Gerda Spies, die skool se woordvoerder, Sondag aan OFM-nuus gesê. “Sentraal wag nog vir verdere terugvoer.”

Die water wat op die bodem van die sinkgat vloei, is munisipale water.

Ná Saterdagmiddag se storm, wat met geweldige swaar neerslae gepaardgegaan het, het die sinkgat vergroot. “Die sinkgat is afgesper, sodat geen leerder naby aan die sinkgat kan kom nie,” het Spies by navraag gesê.

“Die veiligheid van ons leerders bly … ons eerste en grootste prioriteit. Die situasie word deeglik gemonitor.”

OFM-nuus