Die polisiewoordvoerder Timothy Sam sê die 18-jarige seun het met ’n vrou gestry wat naby hom woon.

"Hy het huis toe gehardloop om ’n mes te kry, maar toe 'n seun vermoor wat voor sy huis gestaan het," sê Sam. 

Jermaine Long is dieselfde dag in hegtenis geneem. Hy het Dinsdag 2 Mei 2023 in die landdroshof in Galeshewe verskyn waar die saak tot Maandag 8 Mei vir ’n formele borgtogverhoor uitgestel is.

Long het ook Vrydag 5 Mei in dieselfde hof verskyn vir ’n ander aanrandingsaak.

OFM Nuus/Zenande Mpame