Central SA
Verdagtes in Vrystaat van onwettige besit van perlemoen aangekla─── 10:00 Mon, 05 Jun 2023
Die Vrystaatse polisie het twee verdagtes op die N1 by Trompsburg in hegtenis geneem vir die besit van perlemoen.
Polisiewoordvoerder Martin Xuma sê snelwegpatrollielede het Sondagoggend vroeg net buite die dorp stilgehou en 'n wit Toyota Hilux-bakkie met 'n kajuit gestop.
Hy sê die polisie het die voertuig deursoek en 53 vullissakke met perlemoen gevind.
Xuma sê twee mans, onderskeidelik 31 en 42 jaar oud, is in hegtenis geneem vir die onwettige besit van perlemoen.
Hulle sal na verwagting binnekort in die Trompsburg-landdroshof verskyn.
