Central SA
Verdagtes in hof vir vervalste Krugerrande─── HEIDRÈ MALGAS 09:06 Sun, 11 Jun 2023
Twee verdagtes verskyn Maandag in die hof nadat hulle vervalste Krugerrande in probeer verkoop het.
Volgens polisiewoordvoerder Lorraine Earle, het lede van die Bloemfontein-blitspatrollie twee mans aangekeer wat na bewering vervalste Krugerrande in Langenhovenpark probeer verkwansel.
“Hulle het afgekom op vyf Krugerrande, waarvan duidelik gesien kon word dat die een vervals is,” sê Earl.
Lede van die blitspatrollie het ook beslag gelê op R70 000 kontant en vervalste ID-dokumente, asook die voertuig waarin die eerste verdagte gesit het.
