Dis onbekend hoe lank Xolani Sidwell Fongo, ’n boorling van Theunissen, al in dié Verre-Oosterse land vasgevang is nadat hy oorspronklik na Thailand gereis het vir ’n werkaanbod, maar hy vertel in ’n Facebook-inskrywing hoe hy vir ’n slenter geval en daar beland het.

In sy pleidooi om hulp sê hy hoewel sogenaamde agente ’n werk in Thailand geadverteer het, het hy deur die toedoen “Chinese sindikate” in Mianmar beland nadat van die werk dadels gekom het. Aangesien sy visum vir Thailand verstryk het, het hy uitgewyk Kambodja toe. Hy kort minstens R30 000 om terug te keer na Suid-Afrika.

Die Vrystater Xolani Sidwell Fongo smeek op Facebook om hulp om terug te keer na sy vaderland. Foto: Facebook

“Hello to every potential helper out there,” skryf hy op Facebook. “I'm currently stranded in Cambodia and am in need of help to be repatriated back home … My visa is expired this side and I really need help to return back. Every contribution will be appreciated.”

Hy sê hy het selfs aan provinsiale en plaaslike leiers in die Vrystaat geskryf om hulp, maar as sy pleidooie val op dowe ore. In Desember het hy glo aan die premierskantoor geskryf, “maar my situasie het nie veel aandag gekry nie”.

Xolani Fongo se inskrywings op Facebook kry heelwat reaksie, maar hy kort meer as dit om terug te keer huis toe.

In Februarie het die Suid-Afrikaanse ambassade in Bangkok, Thailand, hom aangeraai om vriende en familie om hulp te nader. Hy sê hy het selfs by die Theunissen-gebaseerde Masilonyana-munisipaliteit se burgemeester aangeklop, maar ook vergeefs.

Nadat sy visum begin Maart verstryk het, het ’n man, wat hy as ’n agent beskryf, aangebied om vir sy verblyf te betaal en hom na Kambodja gebring. “He made me a tourist visa for one month and introduced me to a Chinese Compound and things got worst.

Hy het verlede jaar met die belofte van ’n werk na Thailand gereis, maar dié droom is verydel. Foto: Facebook

“My target there was once I got paid, I’m gonna resign and buy a flight ticket. It didn't happen by the time I left that place I didn’t even get a penny and they didn’t renew my visa. They also told me … I'm on my own, so I left the area to go to Phnom Penh, the capital.”

Fongo, wat blykbaar tot sy vertrek na die Ooste in Bloemfontein gewoon het, sê hy het ook die Rooi Kruis en VN se Kommissariaat vir Vlugteling genader, maar hy wag nog op terugvoering.

Die Vrystaatse premierskantoor en Masilonyana moet nog reageer op OFM Nuus se navrae.

OFM Nuus