Central SA
Twee toeriste dood toe kano in Noordwes omslaan─── 14:44 Tue, 20 Jun 2023
Die Hartbeespoortdam se reservoir met water wat in die Krokodilrivier instroom. FOTO: iStock
Die Nasionale Seereddingsinstituut het die dood bevestig van twee toeriste van Singapoer die naweek in die Krokodilrivier tussen die Leeupark en Hartbeespoortdam.
Daar word vermoed dat agt toeriste op vier kano's omgeslaan het. Twintig toeriste en ses plaaslike riviergidse het aan die kano-ekspedisie deelgeneem.
Craig Lambinon, NSRI-woordvoerder, sê hul strategiese reddingseenheid en die polisie is uitgeroep waar die toeriste en gidse op die rivier afgevaar het.
"Paramedici het ’n man en vrou op die toneel dood verklaar. Twee gidse is deur die paramedici gestabiliseer en na die hospitaal geneem. Die oorblywende ses toeriste is lig beseer.
Die polisie het met ’n geregtelike doodsondersoek begin.
