Die 23-jarige Andrea Chounyane is een van die kunstenaars van sentraal Suid-Afrika wat graag haar vaardighede met opkomende kunstenaars wil deel. 

’n Talentvolle Chounyane het voorheen haar storie met een van die mediahuise gedeel wat die aandag van die Noord-Kaapse premier, Zamani Saul, getrek het. Gister het Saul die huis van Chounyane besoek om haar talent persoonlik te aanskou en sy het onthul dat sy gewoonlik van 09:00 tot 17:00 aan haar skilderye werk.

Die Noord-Kaapse premier, Zamani Saul, het Andrea Chounyane besoek. FOTO: Verskaf

“Die Premier het sopas my huis besoek. Hy het na my kuns gekyk en hy het homself daartoe verbind om my te help om my voorgraadse [studies] klaar te maak, wat wonderlik is,” het sy gesê.

Tydens sy besoek kon Saul nie sy opgewondenheid keer nie nadat hy die werk van die 23-jarige kunstenaar gesien het.

Andrea Chounyane het haar kunswerke vir die Noord-Kaapse premier, Zamani Saul, gewys. FOTO: Verskaf

“Sy is baie talentvol. Dit is nie 'n talent wat jy in elke tweede huis kry nie. So, ons sal haar die ondersteuning moet gee. Dit begin deur net die basiese beginsels reg te doen en net jou graad te behaal. Stuur dit vir ons, ons sal al daardie goed betaal en ons help jou om jou reis te begin,” het hy afgesluit.

OFM Nuus