Central SA
Vryburg sonder krag weens kabeldiefstal─── 11:17 Sat, 01 Jul 2023
Inwoners van die Naledi Plaaslike Munisipaliteit en omliggende gebiede in Vryburg, Noordwes, is in kennis gestel dat hulle sonder elektrisiteit sal wees weens vandalisme Donderdagaand by die Royden-substasie.
Die plunderaars het voordeel getrek uit beurtkrag en oornag die koperkabels van die transformator gesteel.
Die koperkabels van die transformator is gesteel. Foto: Verskaf
Die munisipale bestuurder, Modisenyane Segapo, sê die kontrakteur werk daaraan om die kragtoevoer te herstel.
Vryburg-inwoners is sonder krag weens kabeldiefstal. Foto: Verskaf
Die Noordwes-polisie het nie op OFM Nuus se navraag gereageer nie. Die munisipaliteit het 'n beroep op inwoners gedoen om vandalisme van munisipale infrastruktuur aan te meld aangesien dit dienslewering beïnvloed.
