Die liggaam van Barbara Elaine Coetzee (75)  is Woensdag deur werkers van ’n tuindiensmaatskappy ontdek wat ’n stoorplek agter haar huis het. Die werkers beweer dat die hek nie soos gewoonlik oop was nie. Een van hulle het oor die heining geklim en haar deur die venster op die grond sien lê.

Thabo Covane, Vrystaatse polisiewoordvoerder, sê paramedici het Coetzee op die toneel dood verklaar. “Speurders van die polisie en die forensiese eenheid was lank op die toneel om na leidrade te soek. ’n Saak van moord is by die Bayswater-polisiekantoor aanhangig gemaak,” sê hy.

Enigeen met meer inligting kan die ondersoekbeampte David Ramasoala by 082 4681 624 of die Stop Misdaadnommer by 08600 10111 bel. ‘n Boodskap kan ook op die MySAPS-toepassing gelaat word.

OFM Nuus