Central SA
Singende eende presteer op ’n hoë noot─── ELSABÉ DE JAGER 11:42 Fri, 28 Jul 2023
Hy het besluit dit is tyd om vir die nuwe generasie die monument te kom wys.
Rondom die koepel in die Voortrekkermonument se Heldesaal het Oranje Meisies se hoër- en laerskool vandeesweek ’n lied gesing wat toeriste in verwondering laat stilstaan en luister het.
Werner Stander, koorleier van Oranje Meisieskool, beskryf die kore se spontane optrede in die Voortrekkermonument as een van die hoogtepunte tydens die week waarin hulle deelgeneem het aan die ATKV Applouskoorkompetisie.
Koorlede by die Voortrekkermonument. Foto: Facebook
Die singende eende se klank is Woensdag tot nóg ’n hoër noot gevoer toe die Primêre Meisieskool Oranje se senior koor die derde plek losgesing het in die finale ronde van die ATKV Applouskompetisie.
Waardering soos “Julle kweek ’n liefde wat die kinders op 50 en 60 hopelik nog gaan laat sing!” is op sosiale media uitgespreek teenoor Stander en koorbegeleier Maretha Steyn vir hul toewyding.
Maretha Steyn, begeleier, en Werner Stander, koorleier. Foto: Facebook
Stander sê hy is trots op elke dogter. Die interaksie tussen die deelnemers van verskillende kore oor die land was goed vir elke kind. Hulle sal volgende jaar voortbou op vanjaar se harde werk.
OFM Nuus/Elsabé de Jager
