Die ANC in die Maluti-a-Phofung Plaaslike Munisipaliteit se mosie van wantroue teen Gilbert Mokotso, uitvoerende burgemeester, en Paratlane Motloung, speaker, het geslaag. 

Allison Oats, DA-raadslid, sê MAP16 het die bewind van die munisipaliteit in 2021 met groot verwagtinge oorgeneem, maar ongelukkig het toestande aanhou versleg omdat die burgemeester nie die nodige leierskap getoon het nie.

Sy sê Mokotso het versuim om te verseker dat ’n ooreenkoms met Eskom gesluit word om elektrisiteit in die gebied te begin versprei, soos in ‘n hofbevel bevind is.

"Nog ’n voorbeeld is toe hy daarop aangedring het dat ’n raad van direkteure vir die waterentiteit Maluti-a-Phofung Water aangestel word en kort nadat hulle aangestel is, het die burgemeester hulle hof toe gesleep."  

Die DA is bekommerd dat nog 'n ANC-speaker en -burgemeester aangewys sal word.

OFM Nuus