Josephine Rani, polisiewoordvoerder, sê die ongeluk het Saterdagaand op die R26 sowat 5km vanaf Villiers gebeur. Die polisie het met hul aankoms die bakkie gekry wat op sy sy gelê het. 

Die bestuurder en nog ’n man is op die toneel dood verklaar. Die ander 18 insittendes is na die Mafube-hospitaal geneem.

Sondag is nog twee beseerdes in die hospitaal dood. Daar word vermoed dat die bestuurder uitgeswaai het om ’n ongeluk met ’n aankomende voertuig te voorkom. Die ander beseerdes word nog in die hospitaal behandel. ’n Saak van strafbare manslag word ondersoek.

OFM Nuus