Daar sal van 19 September tot 11 Desember verkeersontwrigtings in Meyerstraat wees.

Die Departement Ingenieursdienste beplan om Stasieweg en Dienslaan se gruisoppervlak op te gradeer, wat tot verkeersontwrigtings sal lei.

By die kruising van Meyer- en Reitzstraat sal ’n verkeersirkel gebou word.

Hettie Fowlds, die departement se kommunikasiebeampte, sê motoriste word versoek om meer reistyd toe te laat, omdat hierdie konstruksiebedrywighede die verkeer sal beïnvloed.

Om die bou van die verkeersirkel te akkommodeer, kan motoriste in Meyerstraat geringe vertragings en kort ompaaie verwag.

OFM Nuus/Zenande Mpame