Central SA
InterCape-bus brand uit in Noordwes─── 10:25 Sat, 23 Sep 2023
Paramedici en brandweerpersoneel was vinnig op die toneel en sommige passasiers is onmiddellik vir ligte beserings behandel.
’n Bus wat aan Intercape-busdiens behoort, het Vrydag aan die brand geslaan en uitgebrand op die N12 tussen Klerksdorp en Wolmaransstad in Noordwes. Die bus was na bewering van Bloemfontein via Klerksdorp onderweg.
OFM Nuus het verneem dat die busbestuurder daarin geslaag het om van die pad af te trek voordat die vlamme die bus verswelg het.
This morning an Intercape bus traveling from Cape Town experienced a fire incident between Wolmaransstad and Klerksdorp . Fortunately, there were no reported injuries or fatalities, and emergency vehicles promptly responded to the scen pic.twitter.com/o3kMd2RGDB
— Mageza_Worldwide (@Mageza_thegreat) September 21, 2023
’n Polisiewoordvoerder in Noordwes, Afjee Botma, het die voorval bevestig en gesê die busmaatskappy se ondersoekspan het oorgeneem.
In hierdie stadium is die oorsaak van die brand nog onbekend. Die paramedici en brandweerpersoneel was vinnig op die toneel en sommige passasiers is onmiddellik vir ligte beserings behandel. Alle passasiers is deur paramedici geëvalueer.
