'n Veiligheidswag en nog ’n man is geskiet ná 'n gewapende rooftog by 'n substasie naby Motaweg by die Sebokeng Village.

Twee veiligheidswagte is Vrydag (29/9) omstreeks 20:00 deur gewapende mans aangeval. ’n Verdagte het een van die veiligheidswagte deursoek en sy selfoon gevat terwyl die res na die ander veiligheidswag gegaan het. Mmako Mophiring, polisiewoordvoerder in die Vrystaat, sê skote is afgevuur en die beroofde veiligheidswag het gehardloop na sy kollega en hom en nog ’n man dood op die grond aangetref.

Albei is deur paramedici op die toneel dood verklaar.

Mophiring vra enigeen met meer inligting om 082-972-8678 te bel of hul naaste polisiekantoor te kontak.

OFM Nuus/Kekeletso Mosebetsi