McDonald's het mediaberigte ontken dat ses van sy werknemers gyselaar gehou is by die Chapel Street-franchise in Kimberley.

Die werkers het beweer hulle het om 22:00 gereed gemaak om huis toe te gaan toe ’n onbekende, skraal, Afrikaanssprekende man die perseel in Chapelstraat betree het. Hy was geklee in ’n swart broek, ’n swart baadjie en het ’n klapmus op gehad. Hy het ’n vuurwapen op een van werkers gerig en geëis dat sy die kasregister oopmaak.

Die DFA berig die ander werkers het in die badkamers en yskas gaan wegkruip toe hulle sien hoe die man die vuurwapen uithaal.

“Die onbekende man het deur ’n klein venster ingekom, gewapen met iets wat soos ’n swart speelgoedgeweer in sy hand,” sê Molefi Shemane, polisiewoordvoerder in die Noord-Kaap.

Ses werkers van McDonald's in Kimberley is Dinsdagaand deur ’n gewapende man gyselaar gehou. Foto: SAPD

Die franchise se alarm is geaktiveer om die polisie in kennis te stel. Die taktiese reaksie-eenheid en die TSS-veiligheidsmaatskappy het die straat afgesper sodat voertuie nie daar kon ry nie.

Die werkers is Woensdag net ná 01:00 deur die polisie uit die McDonald’s begelei, maar daar was geen teken van die gewapende man nie.

“Die man het die franchise verlaat sonder om iemand te beroof of te beseer,” sê Shemane.

“Die onbekende man het deur ’n klein venster ingekom, gewapen met iets wat soos ’n swart speelgoedgeweer in sy hand.”

McDonald's het in reaksie op OFM se navraag gesê hy is bewus van die voorval. “Ons kan bevestig dat nie een van ons personeel in hierdie ongelukkige voorval gyselaar gehou is nie en ons is dankbaar dat ons werknemers veilig is,” het die woordvoerder Daniel Padiachy gesê.

"Ons werk saam met die SAPD om die besonderhede van hierdie voorval te ondersoek. Die veiligheid van ons werknemers en kliënte is ons nommer een prioriteit."

Enigiemand met inligting oor die verdagte kan hul naaste polisiekantoor kontak.

OFM Nuus/ Zenande Mpame