Twee mans is in hegtenis geneem ná bewerings dat hulle Maandag in die vroeë oggendure (16/10) in besit was van gesteelde staatseiendom van die polisie by die staatsgarage in Welkom.

’n 37-jarige taxibestuurder en ’n 40-jarige veiligheidswag wat by die staatsgarage aan diens was, is in hegtenis geneem.

Terwyl hulle aan klagtes aandag gegee het, het twee oplettende werknemers van Welkom se Kliëntedienssentrum ’n minibus waargeneem wat voor die staatsgarage geparkeer was.

Twee 25-liter-dieselhouers met diesel wat uit die voertuie getap is. Foto verskaf

“Toe beamptes die voertuig probeer nader, het dit vinnig weggejaag. Hulle kon egter daarin slaag om die voertuig te stop en deursoek.”

“Twee 25-liter-dieselhouers en 'n pyp wat na bewering gebruik is om die diesel uit polisiemotors te tap, is ontdek,” sê Mahlomola Kareli, Vrystaatse polisiewoordvoerder.

OFM Nuus het vroeër berig oor die styging in die brandstofpryse en die uitwerking wat dit op motoriste, boere en munisipaliteite het.

“Albei verdagtes is in hegtenis geneem weens die beweerde besit en diefstal van staatseiendom en sal binnekort in die landdroshof in Welkom verskyn.”

OFM Nuus/Zenande Mpame