Die Vrystaatse Departement van Onderwys hoop matrikulante kan help met die bekamping en beheer van onreëlmatighede in die eksamen.

Meer as 42 000 voltydse en deeltydse graad 12-eksamenkandidate in die Vrystaat sal hul verbind tot harde werk en die beginsels van eerlikheid en integriteit in die Nasionale Senior Sertifikaat (NSS)-eksamen.

Private skole se matrikulante word ook aangemoedig om aan die ondertekeningseremonie deel te neem. Dit is ook 'n poging om meer proaktief eerder as reaktief te wees ten opsigte van eksamenoortredings.

Ondertekeningseremonies sal Vrydag gehou word by alle openbare skole en gemeenskapskolleges waar matrikulante die NSS-eksamen aflê.

OFM Nuus