Central SA
Wetenskaplaboratorium in Thabong geskenk om passie aan te wakker─── ZENANDE MPAME 13:17 Tue, 24 Oct 2023
“Hierdie geleentheid is ’n belangrike mylpaal in ons reis na die bevordering van wetenskap-nuuskierigheid en uitnemendheid onder ons studente.”
’n Volledig opgeknapte wetenskaplaboratorium is verlede week geskenk aan die Leseding Secondary Technical School in Thabong, Welkom.
Makalo Mohale, LUR vir onderwys, het Harmony Gold Mining bygestaan tydens die oorhandiging van die laboratorium aan die skool.
Makalo Mohale. LUR vir onderwys, spreek leerders toe by die oorhandiging van die laboratorium. Foto: Leseding Secondary Technical School/Facebook
"Hierdie laboratorium sal 'n gevoel van verwondering kweek en 'n passie vir wetenskaplike ondersoek aanwakker by elke leerder wat dit binnestap," sê Francois Janse van Rensburg. streekhoofbestuurder by Harmony Gold Mining.
“In die verlede was wetenskap net teorie, maar die Vrystaatse regering het deur strategiese vennootskappe verseker dat ons die standaard verbeter en praktieser maak sodat ons ons leerders 'n beter begrip bied van vakinhoud.”
Leerders is trots op hul nuwe wetenskaplaboratorium. Foto: Leseding Secondary Technical School/Facebook
Deur sy portefeulje korporatiewe maatskaplike beleggings ondersteun die myn verskeie gemeenskappe in Lejweleputswa op die gebied van onderwys, gesondheid, sport, kuns en kultuur en dit is een van sy projekte.
