’n Man wat daarvan aangekla word dat hy ’n 17-jarige meisie op ’n plaas in die distrik Ladybrand verkrag het, bly in aanhouding nadat hy Dinsdag (31/10) in die landdroshof verskyn het.

Paulus Ramatobo (52) sal weer Maandag (6/11) in die hof verskyn. Hy het na bewering die meisie in sy huis verkrag en toegesluit. Ramatobo het die meisie op Sondag (29/10) omstreeks 03:10 gesien toe sy buite gestaan en rook het nadat sy by ’n vriend se huis gedrink het. Hy en sy woon albei op dieselfde plaas.

‘Sy is later deur ander mense op die plaas gered’

Hy het haar gebel en sy is na sy woonplek waar hy haar verkrag en binne sy huis toegesluit het. Sy is later deur ander mense op die plaas gered. 

Sy het haar ma van die verkragting vertel en hulle het ’n saak by die polisie aanhangig gemaak. Die polisie het Ramotoba op die plaas in hegtenis geneem.

OFM Nuus/Zenande Mpame Daphné/Corné/Morné