’n Polisiesersant verskyn Vrydag in die landdroshof in Upington nadat hy in hegtenis geneem is in verband met ’n huisbraak in die omgewing Die gemeenskap van Upington was geskok toe hulle uitvind dat ’n polisielid Dinsdag by ’n huisbraak betrokke was.

Cherelle Ehlers, polisiewoordvoerder, sê twee inwoners het ’n onbekende man in hul huis in Upington gekry, wat daarin geslaag het om deur ‘n gebreekte venster te ontsnap.

“Die polisie is in kennis gestel en kort daarna is ’n 32-jarige polisiesersant in verband met die voorval in hegtenis geneem,” sê Ehlers. “Daar is beslag gelê op ’n voertuig en ’n hoekslyper.” 

Luntu Ngubelanga, provinsiale kommissaris, het die wangedrag veroordeel en verseker dat misdadigers binne die diens hanteer sal word.

Misdadigheid en die klad op die naam van die polisie sal nie geduld word nie.

OFM Nuus/Heidre Malgas Corné/Daphné