Die Moqhaka-burgemeesterskomiteelid wat van verkragting aangekla word, sal Woensdag (13/12) in die landdroshof in Viljoenskroon verskyn sodat sy borgtogaansoek hervat kan word.

Die saak is Maandag (11/12) ná sy formele borgtogaansoek uitgestel, het Mojalefa Senokoatsane, NVG-woordvoerder, gesê.

'Die verdagte is in aanhouding'

’n 22-jarige vrou het na bewering op 4 Desember in die vroeë oggendure ’n saamrygeleentheid by hom gekry. Hy het toe na ’n plaas gery en haar verkrag.

Rise Mzansi en die EFF het die borgtogaansoek Maandag (11/12) bygewoon. “Ons sal hierdie saak bywoon en monitor,” het April Motaung, streekwoordvoerder van Fezile Dabi, gesê.

EFF sê hulle sal hierdie saak bywoon en monitor. Foto verskaf

“Dit is die verdagte se tweede hofverskyning vanjaar. Hy is op 14 Maart in hegtenis geneem vir aanranding en die oortreding van ’n hofbevel. Ons monitor die ANC se optrede omdat geregtigheid deurslaggewend is vir beide die onskuldiges en die skuldiges,” het DA-raadslid Chris Dalton gesê.

“Die burgemeesterskomiteelid se beweerde optrede ondermyn die geloofwaardigheid van pogings om vroue en kinders in Moqhaka te beskerm.”

OFM News/Zenande Mpame  dg/cg