’n Skoolhoof van Virginia is ontvoer, maar dieselfde dag vrygelaat toe sy skool geweier het om die losprys te betaal. Sy ontvoerders het wel sy bakkie gevat toe hulle weggetrek het ná hul mislukte poging Dinsdag (12/12).

Die wit NP200 Nissan-bakkie met die nommerplaat FLR 387 FS is glo later by die Bedelia-winkelsentrum in Welkom gevind.  “Die polisie ondersoek ’n saak van ontvoering, sakeroof en motorkaping,” sê Stephen Thakeng, Vrystaatse polisiewoordvoerder.

Die hoof van ’n laerskool in Meloding het Dinsdag om 07:00 deur die skool se ingang gery. ’n Veiligheidswag het die hek vir hom oopgemaak en ’n paar minute later het ’n onbekende man opgedaag en daarop aangedring om die skoolhoof te sien.

Die verdagtes het met die hoof se voertuig weggery toe die skool geweier het om die losprys te betaal.

Die man is toegang tot die skool se terrein gegee omdat rapporte op dieselfde dag uitgedeel sou word. “Die veiligheidswag het opgemerk die hoof se bakkie luier buite die kantoor met niemand binne nie,” sê Thakeng. Hy het na die kantoor gegaan om hom te vra oor sy voertuig, maar dieselfde man het hom gegryp en in die kantoor ingedwing.

Binne die kantoor was die skoolhoof se hande agter sy rug vasgebind en sy mond toegeplak. Die veiligheidswag is deursoek en ook vasgebind. Die drie gewapende mans wat in die kantoor was, het gevlug en die skoolhoof ontvoer.

Die verdagtes het met die hoof se voertuig weggery toe die skool geweier het om die losprys te betaal. Dit is onbekend waar die skoolhoof aangehou was.

OFM News/Zenande Mpame  dg/cg