Central SA
Upington: Amptenaar van Binnelandse Sake binnekort in hof weens korrupsie─── 09:26 Fri, 05 Jan 2024
“Die polisie het haar op heterdaad betrap en in haar kantoor in hegtenis geneem.”
’n Amptenaar van Binnelandse Sake in Upington verskyn binnekort in die landdroshof op aanklagte van korrupsie.
Die Noord-Kaapse eenheid vir teenkorrupsie het die 37-jarige vrou Woensdag (3/1) aangekeer nadat hulle ’n wenk ontvang het dat sy na bewering teen betaling onwettige identiteitsdokumente vir ongedokumenteerde buitelanders verwerk, sê Sergio Kock, provinsiale polisiewoordvoerder. “Die polisie het haar op heterdaad betrap en in haar kantoor in hegtenis geneem.”
Thabo Mphuthi, ZF Mgcawu-distrikskommissaris, het die wetstoepassers geloof vir hul goeie werk en beklemtoon dat alles moontlik gedoen word om korrupsie uit te roei.
OFM Nuus mc dg
