Sello Lehari, Noordwes se LUR vir Gemeenskapsveiligheid en Vervoerbestuur, beklemtoon steeds die noodsaaklikheid van motoriste om geduldig te wees. Padsterftes in dié provinsie was die afgelope feestyd ’n tiende minder as in 2022. 

Begin vanjaar is minder as 70 mense op die paaie dood en geen groot ongelukke is aangemeld nie. In die ooreenstemmende tydperk in 2023 is 77 mense dood en vyf ernstige ongelukke is aangemeld, sê Lucas Mothebedi, departementele woordvoerder.

Lehari sê padblokkades sal tot einde Januarie gehou word. Die departement sê die meeste van die sterftes vind plaas tussen 18:00 en 12:00.

“Weens reën in baie dele van die provinsie pleit ons by motoriste om liewer volgens die toestande van die paaie te ry as die snelheidsgrens.” 

Molefi Morule, die departement se hoofdirekteur vir vervoerregulasies, sê nog patrollies is op die N18, R49 tussen Mahikeng en Zeerust en R503 tussen Mahikeng en Lichtenburg geplaas.

OFM Nuus het verneem die verkeerseenheid, die Arende, sal fokus op paaie wat met ander provinsies verbind, aangesien vakansiegangers begin terugkeer.

Die Ngaka Modiri Molema-distriksmunisipaliteit het glo 38% van die sterftes aangeteken.

Lehari sê verkeersvloei ná 18:00 neem toe, aangesien motoriste verkies om saans te reis en glo dat die verkeer minder sal wees, gevolglik verseker die departement dat wetstoepassers op verskeie paaie teenwoordig is om die verkeersvloei te monitor.

OFM News/Joba Matsheng cg/dg