Die polisie in Prieska doen 'n beroep op die publiek om te help in die soektog na ’n vermiste tiener.

Shandrifa Louw (17), van Protea Close, is Woensdag (28/2) laas gesien toe sy saam met vriende op ’n uitstappie was by Die Koppie, ’n erfenisterrein op die Noord-Kaapse dorp.

Sy het haar vriende verlaat om terug te keer huis toe, maar het nooit opgedaag nie. Sy het ten tyde van haar verdwyning ’n pienk top en oranje kortbroek aangehad sonder skoene.

OFM Nuus