Die fietsryers van die Meals on Wheels-toer het Kimberley besoek op pad na Kaapstad. Die jaarlikse toer, Extreme Ride 4 Hunger, is deur Meals on Wheels in die Noord-Kaap begin om bewustheid te skep oor die nood van arm mense. 

As deel van die toer deel hulle kospakkies en ander noodsaaklikhede uit aan behoeftiges in die dorpe wat hulle aandoen. By die Elizabeth Conradie-skool vir leerders met spesiale behoeftes in Kimberley het hulle kospakkies, tuingereedskap, stoele en ander benodigdhede geskenk.

Die organisasie vier vanjaar sy 60ste bestaansjaar. Foto verskaf

Martha van Zyl, skoolhoof, sê hulle is baie dankbaar vir Meals on Wheels se skenking. Die projek is deel van hul 60ste bestaansjaar, sê Gershon Naidoo, bestuurder van Meals on Wheels. In Kimberley is daar drie Meals on Wheels-sentrums wat daagliks kos aan arm mense gee. 

Thomas Chisveto, Meals on Wheels se finansiële hoof in Kimberley, is deel van die fietsryspan. Hy sê hulle is nou op pad na Victoria-Wes. Die toer het in Johannesburg begin en sal volgende week in Kaapstad eindig. 

OFM Nuus/James Williams dg