Die polisie in die Noord-Kaap het die naweek gesê hulle het 'n kas ammunisie gevind wat op 'n plaas in die Keimoes-omgewing, in die ZF Mgcawu-distrik, begrawe is.

Woordvoerder Sersant Timothy Sam het gesê hulle het op ’n wenk gereageer toe hulle vandeesweek na die plaas naby Lutzputsweg gegaan het.

Hy het gesê lede van die K9-eenheid het gehelp met die soektog wat gelei het tot die ontdekking van “350 rondtes 9 mm-ammunisie en 200 rondtes LMG-kaliber-ammunisie”.

200 rondtes LMG-kaliber-ammunisie. Foto verskaf

Sam het gesê die polisie sluit nie die moontlikheid uit dat nog ammunisie en vuurwapens in die gebied versteek word nie en gaan voort met die soektog.

Hy het gesê niemand is in hegtenis geneem nie, maar die polisie doen ’n beroep op die publiek vir enige inligting wat met die ondersoek kan help.

Luntu Ngubelanga, Noord-Kaapse polisiekommissaris, het die publiek bedank vir die wenk wat hulle verskaf het.

OFM Nuus cg