Twee verdagtes is in Bloemfontein vasgetrek weens ’n beweerde huisroof in Fichardtpark en sal binnekort in die landdroshof verskyn. Die polisie is Vrydag (17/5) in kennis gestel van verdagtes wat probeer om by ’n huis in te breek.

Plaaslike veiligheidsmaatskappye het gereageer en die verdagtes se voertuig, ’n Chevrolet-bakkie, is opgemerk op pad na Hamilton. Die verdagtes het uit die bakkie gespring en in verskillende rigtings gehardloop, het die Vrystaatse polisiewoordvoerder, Lorraine Earl, gesê. Lede van die Bloemfonteinse blitspatrollie, privaat sekuriteitsmaatskappye en gemeenskapspatrolleerders het die twee verdagtes aangekeer.

Die twee, onderskeidelik 39 en 42 jaar oud, is in hegtenis geneem weens die besit van ’n vermoedelik gesteelde voertuig. Die ondersoek duur voort.

OFM Nuus cg