Moedersmelk is die perfekte voeding vir jou baba. 

Suid-Afrika vier die eerste week van Augustus Wêreldborsvoedingsweek (WBW). Dis ’n goeie tyd om weer die lewensbelangrike waarde van borsvoeding vir vroeë kinderontwikkeling – en eindelik ook vir die ma en die gemeenskap – te beklemtoon, sê dr. Khungelwa Mrwebi van Life Healthcare.

Foto ter illustrasie: iStock

“Borsvoedingsondersteuning is veral belangrik gedurende die kritieke eerste lewensweek, want dan word gesonde roetines en gewoontes gevestig,” meen Mrwebi. “Die voordele van borsvoeding is legio, want borsmelk is voedingsryk, bevorder ’n gesonde spysverteringstelsel en versterk die immuunstelsel.

“Dit bevoordeel premature babas en dra by tot moedersgesondheid.”

Navorsing deur die Wêreldgesondheidsorganisasie bewys as jy kinders tot op 23 maande borsvoed, verbeter dit hulle IK. Dit het ook ’n voordelige uitwerking op skoolbywoning en word vereenselwig met hoër inkomste in die volwasse lewe.

Volgens data suig borsvoeding egter in Suid-Afrika aan die agterspeen, wat veroorsaak dat kinders die enorme, natuurlike voordele daarvan misloop. Die organisasie Alliance for Science berig dat minder as ’n derde van Suid-Afrikaanse kinders vir die eerste ses maande van hul lewe eksklusief geborsvoed word.

Foto ter illustrasie: iStock

Mrwebi sê egter dat baie nuwe moeders sukkel om te borsvoed. “Terwyl die boodskap dat moedersmelk die beste is, belangrik is, moet ons in ag neem dat sommige ma’s unieke situasies kan hê en moet voel dat hulle kan kies wat die beste vir hulle en hul baba werk.”

Hy verduidelik dat borsvoeding aan die begin moeilik kan wees, aangesien die ma en baba albei leer, en in sommige gevalle sukkel babas om vas te suig.

“Borsvoedingsprobleme kan ook strukturele probleme van óf die tong óf lippe van die baba insluit. Die ma het dalk ongelooflike seer tepels of selfs min melkvoorraad. Dit kan baie angs by mammas veroorsaak.”

‘Sommige mammas moet borsvoeding vermy’

Mrwebi verseker nuwe moeders dat hierdie problem vining opgelos kan word met beter ondersteuning en die regte raad, verkieslik van ’n spesialis wat kennis het in daardie veld.

Hoewel borsvoeding bevorder word, word daar ook soms voorgestel dat sommige mammas borsvoeding moet vermy weens medikasie of mediese behandelings wat nie veilig is vir verpleging nie, erken Mrwebi. “Skenkerborsmelkbanke bestaan wel in Suid-Afrika en kan vir sommige ’n opsie wees.”

Foto ter illustrasie: iStock

Daarbenewens kan sekere mediese toestande onverenigbaar wees met borsvoeding. “In hierdie gevalle kan ouers oorweeg om borsmelk te pomp om hul baba via ’n bottel te voed, of om borsvoeding tydelik te onderbreek en dan later te hervat,” sê sy.

Mrwebi lê ook klem daarop dat die reg om te borsvoed, of uit te melk, word onder Suid-Afrikaanse wetgewing beskerm, maar dat dit belangrik is dat werkende moeders met hul werkgewer in gesprek tree voor hulle terugkeer werk toe om te verseker hulle kan voortgaan om borsmelk doeltreffend te verskaf sonder om hul roetine te onderbreek.

“Borsmelk moet nie voor die eerste ses weke gepomp word nie, want dit is hoe lank die liggaam neem om aan te pas by die vervaardiging van melk,” verduidelik Mrwebi.

Foto ter illustrasie: Freepik

“Borsvoeding moet ’n platform wees vir optimale gesondheid vir die baba en ’n gesonde verhouding tussen ma en kind. Dit moet in elke gesin en elke gemeenskap aangemoedig en ondersteun word.

“Ons moet egter besef daar is nie iets soos ’n universele antwoord vir borsvoeding is nie,” voeg Mrwebi by. “Ma’s wat sukkel om te borsvoed kan en moet ondersteuning kry.

“Vir daardie vroue wat verkies het om nie te borsvoed nie, of wat nie kan borsvoed nie, moet ons nie oordeel nie. Die druk van moederskap is baie en dit is belangrik dat hul keuses of omstandighede nie hul geestesgesondheid nadelig beïnvloed nie.”

Sy moedig ook nuwe moeders aan dat indien hulle op enige stadium tydens of ná swangerskap met hul geestesgesondheid sukkel, dit belangrik is om met jou dokter te praat.

OFM Nuus mvh