Die saak teen drie verdagtes wat na bewering masjiene gebruik het om data te kloon en SIM-kaarte te vervaardig in Woodland Hills, wes van Bloemfontein, is uitgestel tot Dinsdag 15 Oktober vir verdere ondersoek.

Juan Chen (38), Liang Chen (34) en Ming Di Chen (52) het Donderdag (8/8) in die Bloemfonteinse landdroshof verskyn nadat borgtog op Dinsdag (9/7) aan hulle toegestaan is.

Die drie is borgtog van R50,000 elk toegestaan en hulle staan tereg op aanklagte van bedrog, die onwettige besit van vuurwapens en die onwettige besit van ammunisie.

Masjiene wat gebruik is om data te kloon en SIM-kaarte te vervaardig. Foto verskaf

“Die saak teen die drie Chinese burgers van Woodland Hills is tot 15 Oktober 2024 uitgestel vir verdere ondersoeke,” het Mojalefa Senokoatsane, NVG-woordvoerder van die Vrystaat, gesê.

“Polisie-ondersoekers het gereageer op inligting dat die verdagtes in Woodlands, ’n bekende sekuriteitskompleks buite Bloemfontein, glo masjiene gebruik om data te kloon en SIM-kaarte te vervaardig.”

’n Ondersoek- en beslagleggingsoperasie, wat deur die hof gemagtig is, is uitgevoer. 

SIM-kaarte van verskillende diensverskaffers met ’n geraamde waarde van meer as R1 miljoen, vermeende kloningsmasjiene, kontant, twee vuurwapens en rondtes ammunisie was van die items wat by twee huise gevind is.

OFM Nuus/Zenande Mpame cg